PHO-AKLAN NAGHIMO IT MEASLES OUTBREAK RESPONSE EMERGENCY MEETING

Kalibo, Aklan – Nagpatigayon it emergency meeting para sa measles outbreak response kahapon Pebrero
14, 2019 ro Provincial Health Office PHO- Aklan.
Base sa report it PHO-Aklan Epidemiology Surveillance and Response Unit (APESRU) may 18 eon nga
kaso it ginadudahan nga measles sa probinsiya ag 396 nga total cases sa bilog nga Western Visayas.
Bangud sa pagtinaas it kaso it nasambit nga masakit, ging pakamayad it PHO-Aklan nga maghimo it
emergency orientation sa tanan nga municipal health offices, government and private hospitals para
abangan ro pageapnaag it makaeamatay nga measles virus.
Ro measles o kon tipdas sa Akeanon hay sangka makataeapon nga masakit nga pwedeng maisaylo raya
sa iba paagi sa pila it infected nga tawo. Suno kay Dr. Cornelio Bong Cuachon Jr. ro measles infection hay
pwedeng magresulta it komplikasyon kapareho it pneumonia, dehydration, blindness, ear infection,
encephalitis kamana man pagkamatay.
Suno pa gid kay Dr. Cuachon ro mga eapsag ag owa pa habakunahe nga mga unga ag mga magueang ro
madali makabooe it virus.
Sa emergency meeting ging taw-an it igtaeupangod ro importante nga papel it mga RHU ag hospitals
para mapundo ro pageapnaag it tipdas…