Kalibo, Aklan – Hindi nagsasawa ang Provincial Health Office PHO-Aklan sa paulit-ulit nilang pagbibigay ng babala sa mga Aklanon para talunin sa laban ang Corona Virus Disease COVID-19.
Ito lamang ang isang mainam na paraan ayon kay Dr. Cornelio Cuachon Jr. Provincial Health Officer I ng PHO-Aklan, para maintindihan ng mga mamamayan dito ang pwedeng nilang maiambag para manalo sa nasabing laban.
Halos araw-araw ngayon ang panawagan ng PHO-Aklan sa mga Aklanon, na para hindi maging sanhi ng pagkalat ng sakit manatili lamang sa bahay, ito aniya ay isang maliit lamang na sakripisyo pero malaki ang magagawa nito para sa bayan.
Ayon pa kay Dr.Cuachon, alagaan ang sarili, ang pamilya at komunidad. Sama-sama tayong lumaban at magwagi kontra COVID-19.
