Ni Jay-ar M. Arante, RMN-DYKR Kalibo
Posibleng mapasakaan it kaso ko National Police Commission (NAPOLCOM) ro pila ka mga pulis sa probinsya it Aklan.
Daya hay bangod nga absent sanda sa ging himo nga pag-inspeksyon ko NAPOLCOM sa mga police station sa Aklan ko nagtaliwan nga dominggo.
Suno kay Investigator Allen Camiring it NAPOLCOM Region 6, may mga absent ag may mga late sa pilang ka estasyon ag may una man kara nga uwa naka-presentar sa andang mga issued firearms.
Bago kara ging manduan man ni Camiring ro mga Chief of Police nga may mga absent nga tawuhan nga papasahon sanda it explanation letter kung ham-an uwa sanda makasueod sa duty ag kung ham-an uwa nakapakita it baril.
Kung sin o man suno kara do indi makapasa hay anda nga ipaidaeom sa posibleng kaso base man sa sueondanan it NAPOLCOM.
Mag-eowas kara ro mga absent nga nag schooling hay kinahang-ean man nga mag agto mismo sa opisina it NAPOLCOM agod nga masayran nga sanda hay naga tuon gid.
Samtang sangka pulis man sa MARICOM sa Caticlan, Malay ro pagakasaan it kasong negligence of duty bangod nga uwa gid daya nakapakita sa oras it inspeksyon.
Kaangot dikara pila ka mga Municipal Police Station ro ging dayaw ni Camiring bangod sa pagiging “snappy” ag present tanan sa inspeksyon kapareho it New Washington ag Kalibo MPS.
