Report ni: Jennifer Palomo Debaja
Nagpablotter ang isa ka turista nga pinay matapos nabiktima sang ginaalegar scammer sa balor nga 14,000 patacas (US$1,729 ) sa diin ginpasalig ini nga hatagan sang trabaho sa Macau.
Sa surveillance operation, gin aresto sang Macau Judiciary Police ang 23-anyos nga Indonesian migrant worker matapos nagpa kuno kuno ini nga isa ka immigration officer kag maga process sang papeles para sa Pinay.
Ginkilala ang suspek sa apelyido nga Februyanto, isa ka worker sa health spa nga nahamtang sa Porto Exterior sang ferry terminal.
Nagpakuno kuno man ang suspek sa facebook nga si “Ah Long “kag isa ka Macau resident kon sa diin una niya nga ginkontak ang Pinay paagi sa exchange messages.
Ginpasalig sang suspek ang pinay nga may immigration officer ini nga kakilala sa certain Mr. Kwan nga magabulig sa pag proseso sang papeles para maka obra ini sa Macau apang magabayad sang 14,000 Macau patacas (US$1,729) kay Mr.Kwan.
Agud magsalig pagid ang pinay, gin instructionan pa ini sang suspek nga dal-on ang kwarta kag mga kinahanglanon nga dokumento sa Immigration Department.
Wala man naghunahuna ang pinay nga conman ang iya ka transaction tungod pag sulod sa building nagasuksok man ini sang immigration ID.
Apang pareho gali nga wala naga exist si Ah Long kag Mr. Kwan tungod ang suspetsado mismo ang nag impersonate sa duwa ka persona agud makapanunto.
Matapos nahatag sang pinay ang kwarta kag mga papeles wala na nagkontak ang suspek kag ginblock naman ini sa facebook.
Sa tatlo kabulan nga pag imbistigar kag sa bulig sang facial recognition, nalocate sang kapulisan ang suspek kag naaresto ini sang Lunes sa iya gina obrahan.
Gin aku sang suspek nga naubos na niya gasto ang ginbayad sa iya gani nagdesisyon na ang pinay nga pasakaan ini sang kaso kag madeport sa Indonesia agud indi na makapang biktima pa.
