General Santos City— Gikumpirma ni Major General Noel Clement, Commanding Officer 10th Infantry Division nga adunay gipahigayon nga National Peace And Order Council Meeting nga gihimo sa syudad sa Davao milabay’ng semana.
Sumala niya nga mismong si Presidente Rodrigo Duterte ang nangnuna niini kung asa nagpadayag ang secretary sa national defense ug DILG nga ilahang i–rekomenda ang paglugway sa martial law sa Mindanao.
Kini matud pa ang base sa panawagan sa katawhan sa isla sa mindanao.
Dugang pamahayag ni MGen. Clement nga basi sa ilahang obserbasyon, walay negatibong epekto sa mindanao ang halos duha ka tuig nga deklarasyon sa martial law.
Apan iyahag gi-angkon nga sakaron sagad gyud nilang madunggan ang sumala pa mga pagapangabuso sa miyembro sa militar.
Busa siya nanawagan nga kung adunay nasayran nga mga pagpangabuso, mas maayong kini ipaabot sa otoridad aron nga ma-imbestigahan.
