Gilamoy sa kalayo ang Cheba Furniture and Export Commodities sa Purok 7, Brgy. Ampayon, bandang alas 2:40 ang takna sa kaadlawon.
Gideklara nang fire under control ang sitwasyon apan padayon pa’ng gikumbati sa mga fire fighters sa Bureau of Fire Protection (BFP) aron hingpit nga madeklara’ng fire out.
Gibutyag ni SG Linjo Jacosalem, security guard sa maong establismento nga maoy iyang nabantayan nga adunay nag-spark nga kuryenti sulod sa maong establismento ug gilayong misilaob ang kalayo nga milamoy sa maong patigayon.
Daling mirespondi ang BFP sa lugar aron dili na mokuyanap pa ang kalayo sa kasakbit nga establismento.
Makig-alayon ang BFP ni Mr. Yao, ang tag-iya sa Cheba Furniture and Export Commodities aron masayran kung pila ang damyos sa maong sunog.
[image: sunog chiba.jpg]
