Kalibo, Aklan – Kasado eon rong ginhathat siguridad it Philippine National Police (PNP) para sa umang pagbukas it isla kung Boracay sa mga turista sa Oktubre 26.
Suno kay Police Superintendent Joem Malong Spokesperson it Police Regional Office 6 (PRO 6), Oktubre 25 pa eamang hay magahiwat eon sanda it capability demonstration sa isla nga pagapangunahan mismo ni PNP Chief Oscar Albayalde.
Mag eowas kara may iba pang mga aktibidad nga may kaangtanan sa siguridad sa isla.
Samtang sa pihak nga parte pagatutukan man it PNP rong mga magabayolar sa ordinansa kapareho kung pag kalhit it basura.
Matandaan nga an-um nga buean eon nga ginsarado rong Boracay para sa rehabilitasyon.
Facebook Comments
