Epektibo na rin ang Suspension of Offensive Police Operations (SOPO) laban sa CPP-NPA-NDF ngĀ Philippine National Police (PNP) mula hatinggabi kagabi hanggang April 15.
Sa isang statement sinabi ni PNP Chief Police General Archie Francisco Gamboa na ito ay bilang pagsunodĀ sa idineklarang unilateral ceasefire ng Pangulo sa pagitan ng CPP-NPA – NDF kagabi.
Aniya lahat ng national, regional, provincial at district police maneuver units na may kinalaman sa internal security operations ay inilagay sa ādefensive postureā at ādisaster response at public safety modeā.
Magagamit na aniya ngayon ang mga Unit na ito sa pag-alalay sa publiko kaugnayĀ sa ipinatutupad na enhanced community quarantine sa buong Luzon laban sa COVID-19.
Pero, inabisuhan ni General Gamboa ang mga pulis na manatiling mapagbantay sa possibleng pag-atake ng mga āarmed threat groupsā at gamitin ang āappropriate police responseā bilang pangontra dito, alinsunod sa Police operational procedures.
Istrikto aniyang imomonitor ng PNP Command Center ang pagtupad ng mga police units sa SOPO.
Umaasa naman si General Gamboa na susuklian ng CPP-NPA ang āgesture of good faithā ng gobyerno para sa kapakanan ngĀ mamayan sa gitna ng banta ng COVID-19.