PO1 ACAP, PASAKAAN SANG KASO SANG PRO-6 KON INDI PA MAGBALIK SA TRABAHO.

386

Magapasaka ang Police Regional Office 6 sang kaso administratibo batok kay PO1 Dorben Acap bangud masobra na tatlo ka bulan na ini nga Absent without Leave ukon AWOL.

Ginpahayag ni PRO6 Director chief Supt. John Bulalacao, makapila na ka beses nga nagpadala sang abiso ang PRO6 kay PO1 Acap nga magbalik na sa duty apang wala gid ini nagasabat.


Suno kay Bulalacao nga Grave Neglect of Duty ang igapasaka nga kaso administratibo kay PO1 Acap kon sa diin may penalidad ini nga dismissal sa serbisyo.

Nagapati ang Regional Director nga sa indi pagsabat ni PO1 Acap, wala na ini sang plano nga magbalik pa sa trabaho.

Madumduman nga sang Hulyo 2018, ginluthang si PO1 Dorben Acap sang riding in tandem samtang nagamaneho sang iya salakyan apang pilas lang sa abaga ang iya naangkon.

Facebook Comments

From Advertisers