100 percent na nga natuman sa Police Regional Office kon PRO 10 ang pagpasira sa mga lotto outlets sa rehiyon.
Kini ang gikumpirma sa PRO 10 Director, Brigadier General Rafael Santiago, Jr.
Matud ni General Santiago nga padayon karon ang ilang gihimong monitoring kay basin og adunay musulay nga mag abri sa ilang lotto outlet.
Mahinumduman nga niadtong Hulyo 26 sa gabie dihang gi mando ni Presidente Rodrigo Duterte ang pagpasira sa mga lotto outlets tungod sa isyu sa korapsyon.
Dinhi sa Rehiyon 10, adunay pipila nga mga lotto outlets ang boluntaryo nga nagsira sa ilang mga outlets kinsa timaan nga usa ka maayong senyales kay gasunod ang katawhan sa mando sa presidente.
Nasayran nga mokabat sa 1,900 ka mga outlet ang nasirad-an sa tibuok Rehiyon.
Alang kay General Santiago nga usa ka welcome development ang mando sa president kay adunay mga higayon nga gaka ipit ang mga pulis sa away sa mga franchisers.
Subling gibarugan ni General Santiago nga ang ilang pagsira sa mga lotto outlets nakasubay sa mando ni Presidente Duterte pinasikad sa balaod alang sa kaayohan sa katawhan.
