Ginatugyan na lamang ni Pres. Rodrigo Duterte sa independent agencies ang imbestigasyon sa ginaalegar kahilabtanan sang iya anak nga si Davao City Vice Mayor Paolo Duterte kag umagad nga si Mans Carpio sa baligyaanay sang ilegal nga droga.
Ini ang sabat ni Duterte sa pamangkot angut sa ginahimo nga imbestigasyon kanday Pulong kag Atty. Mans nga ginaangot sa P6 billion nga drug shipment sa Bureau of Customs sadtong nagligad nga bulan.
Pahayag ni Duterte wala sang magapati sa iya kun sya mismo ang mag-imbestigar sa iya mga anak.
Subong man liwat ginpangapinan ni Duterte ang anak nga si Pulong nga timprano pa nakatuon magnegosyo sa edad nga 18 anyos.
Matandaan nga ginpatawag sa hearing sang senado sanday Pulong kag Atty. Mans sa shabu shipment.
(photo from web)
