Naaresto ang nakapalagyo nga preso nga si Reggie Yato Grecia, 29 y/o kag residente sang Brgy Zone 3, Koronadal City sa Polomolok Public Bus Terminal, Polomolok, South Cotabato, ala 1:20 kahapon sang hapon.
Nahibaluan nga alas 06:30 kahapon sang aga, Hunyo 21, 2021, nagpalagyo si Grecia sa South Cotabato Provincial Hospital, samtang ginapaidalom sa medikasyon tungod positibo ini sa COVID-19 kag iban pa nga balatian.
Sa subong ang nasambit nga PDL ang ginbalik na sa South Cotabato Rehabilitation and Detention Center.
Si Grecia ang nagapangatubang sang kaso nga pagbayolar sa Section 5 kag 11 sang Art. II sang RA 9165.
Samtang sa subong suno kay OIC Provincial Jail warden Felicito Gumapac nagapadayon ang ila nga imbestigasyon sa nasambit nga insidente.
