Kalibo, Aklan — Iga-implementar makaron it Police Regional Office 6 rong ‘One-strike policy’ para sa stray bullets sa bilog nga Western Visayas.
Suno kay PSUPT. GILBERT T GORERO, Chief Regional Public Information Office 6 nga rayang ‘one-strike policy’ hay kaparte ko kampanya it Philippine National Police (PNP) nga mangin zero incidents sa mga stray bullets.
Dugang pa gid nana nga sa oras it Christmas eve ag New Year ay may una nga biktima it mga stray bullet dapat nga ma solbar eagi sa sueod it 24-oras bangud nga kung indi hay iga relieve rong chief of police ku natungdang police station kamana man ro provincial director.
Naga apelar man imaw sa mga pumueoyo nga likawan rong pagpaeopok it baril sa mga okasyon bangud nga ro kapulisan hay uwa naga untat nga maghimo it tikang para madakpan ro mga responsable.
Gina discourage man ni Gorero ro mga pulis nga maghimo it warning shot kung may mga suspek nga naga resist sa operasyon kundi gumamit eamang it megaphone para magpundo rong suspek.
Nagpanugyan pa gid raya sa mga pumueoyo nga kung may makita ag masayuran nga mga pulis nga nagpaeopok it andang armas hay boe-an it litrato ukon video ag ipadaea sa Police Regional Office (PRO) 6 para mataw-an it nagakaigo nga aksyon.
