Davao City – Gipanawagan karon sa Police Regional Office kun PRO XI ang katawhan nga dili magpakalat og mali nga impormasyon o unverified reports.
Sa gihimong interview sa Davao Media kay PRO XI Regional Director PCSUPT Marcelo Morales, buot niyang maundang na ang mga fake news subay usab sa nanggawas nga mga balitang Maute ang gironda sa kapulisan sa naabandunang Victorio Beach Resort, located at Purok 10, Talomo Cemento, Brgy Talomo, Davao City ug aduna matud pay mga namatay.
Apan gitino sa hepe sa kapulisan sa rehiyon nga mga wanted persons ug mga sakop sa NPA special partisan unit kun SPARU ang gi ronda sa kapulisan ug kasundaluhan ug wala usab natalang patay gani walay nahitabong lockdown sa Davao City karong adlawa sukwahi sa mga nagkalat nga mga giingong fake news.
Sumala ni Morales nga gi-serve sa mga pulis ang mga warrant of arrest sa usa ka alyas Jekjek apan kalit nga gipabuthan ang mga pulis rason nga mibalos ang raiding team apan nakaikyas ang mga sakop sa SPARU.
Subay niini, human nga nakaikyas, padayon ang Oplan Kalinaw sa area aron maprofile ang komunidad ug aron masuta nga basin aduna pay nakapuyo sa kabalayan sa area at padayon usab ang ilang intelligence monitoring ug pursuit operation batok sa mga nakaikyas.
Sa karon ila matud pang i-secure ang Talomo aron masiguro nga di makagawas ugaling anaa pa sa area ang mga sakop sa SPARU.
Sa maong operasyon, narekober ang nagkalain-laing matang sa armas, mga subhersibong dokumento ug mga IEDs samtang gikustodiya usab sa otoridad ang caretaker sa nasangpit nga resort nga ilang gikunsiderang person of interest.
Gibutyag usab nga bisan pa man nakaikyas, dili kini makunsiderang failure of intelligence gumikan na-detect nila ang presensya sa mga wanted sa area.
RadyoMaN Renz Barbarona
