Ginatun-an na sang provincial government ang masunod nga tikang sa pagbalik na sang mga sweeper flights nga nagasakay sang mga OFWs kag locally stranded inviduals (LSI) matapos ang duha ka semana nga moratorium. Sa interview sang DYHB kay Gov. Euegnio Jose Lacson, gin-ako sini nga dako nila nga concern sa karun kun paano ma-sustain ang pagpaidalom sa swab test sang mga nagapauli nga mga OFWs kag LSI.
Nahibaluan nga sumugod subong nga adlaw, balik na ang byahe sang mga sweeper flights matapos nga gin-suspend sang national government ang pagpauli sang mga LSI sang Hunyo 28.
Samtang ginpahayag ni Lacson nga handa siya magpangayo liwat sang moratorium sa national government kun mapuno na naman ang mga quarantine facilities. Sa pihak nga bahin, ginapasalamatan sang gobernador ang pagbukas na sang molecular laboratory sang Bacolod nga nahamtang sa Corazon Locsin Montelibano Memorial Regional Hospital kag sang isa pa gid ka pribado man nga laboratory sa ciudad, bangud dako ang mabulig sini sa pagpadasig sang COVID-19 testing sa probinsiya.
[image: image.png]
