Davao city – Gimugna karon ang usa ka Coalition sa mga grupo nga nagsuporta kang Presidente Rodrigo Duterte isip preparasyon sa posibleng distabilisasyon nga planong himoon sa mga kritiko.
Gitawag ang maong Coalition isip Katipunan Sa Pagbabago Ng Sambayanang Pilipino nga giapilan sa 20 ka dagkong mga organisasyon sa tibuok Pilipinas.
Sumala ni Secretary General Richard “Bong” Año, ang pag-usa sa mga grupo nga nagsuporta ni PRRD nagtinguha sa pagdepensa sa planong distabilisasyon nga gilaraw sa mga kritiko.
Sigun ni Año, dili matud pa nila matugutan nga magmalampuson ang mga kontra sa pagpalagpot kang PRRD gikan sa gahom rason sa pag-usa sa ilang puwersa.
Gi-alegahan sa Coalition ang Liberal Party, mga oligarch, Catholic Bishops’ Conference of the Philippines kun CBCP ug ubang grupo nga anaa sa likod sa giingon nga distabilisasyon batok sa administrasyong Duterte.
RadyoMan Joel Viray
