Davao City – Gigraduhan og 8-8.5 sa Public Safety and Security Command Center (PSSCC) ang gihimong simulation exercise sa mga otoridad kagahapong adlawa, July 31, 2019 dinhi sa syudad.
Sumala ni (PSSCC) deputy head Angel Sumagaysay nga bisan pa man andam ang dakbayan sa bisan unsang hulga sa terorismo, naa gihapoy ginaingon nga ‘room for improvement’.
Kahinumduman nga gikasa sa otoridad sa syudad ang simulation exercise diin adunay gihimong exercise sa active shooting, suicide bombing, loud explosion sa San Pedro St. ug Pelayo St. subay sa pagpangandam sa seguridad sa Kadayawan.
Sa pikas bahin, gipasabot ni Sumagaysay nga anaa sa 5-7 minutes ang posibleng oras sa pagresponde sa mga insidente sa syudad.
Matud pa nga usa sa mga hagit karon sa mga responders mao ang dagan sa trapiko nga maoy usa sa mga rason og nganong dili dayon makaresponde busa nangayo og pagsabot ang hepe ngadto sa mga motorista nga mukoordinar ilabi na sa hisgutanan diha sa kadalanan alang usab sa kaayuhan sa publiko ug sa mga nanginahanglan ug tabang.
RadyoMaN Renz Barbarona
