Kalibo, Aklan — Gin ingganyo it National Food Authority rong publiko nga magbulig man eon sa pagbantay kuntra sa sin o mang magasamantala sa pagbaligya it baratong NFA rice.
Suno kay NFA Administrator Jason Aquino, makaron nga gin umpisahan eon rong distribution ag may presensya eon sa sari-saring tindahan it tone-toneladang bugas nga ginbakae pa halin sa Vietnam ag Thailand mabahoe nga bulig kung katimbang rong publiko.
Dugang pa nana nga sa market monitoring, bukon it bastante ro andang mga tawohan para bantayan rong tanan nga accredited retailers it government-subsidized sa bilog nga nasyon.
Hambae pa it opisyal, inkasong may mga impormasyon sanda aangot sa mga iligal nga hilimuon hay eagi suno kana nga i-report kanda pamaagi sa pagreport sa Hotline 8888 ag pagasaligang paga aksyonan raya it ahensya sa sueod it 72 oras.
Angot kara, uman nga ginpahayag it pamunuan kung NFA nga indi nanda pagakonsintihon rong mga kaeabanang iligal nga aktibidad sa pagbaligya it baratong bugas kapareho it diversion, rebagging, adulteration.
