Nahilandig sa Socorro district Hospital ang usa ka police human kini giluba sa panday.
Ang biktima naila sa pangalang si SPO3 Ramil Rivas Gelsano nadestino sa Socorro Municipal Police Station samtang ang suspect nga panday naila sa pangalang si Angie Samontina trabahante sa usa ka construction nga nahimutang sa brgy. Sudlon, Socorro, Surigao del Norte.
Basi sa initial nga imbistigasyon sa Socorro Municipal Police station na- tripan ang nakasibilyang biktima sa suspect samtang mipalit kini sa usa ka tindahan kinsa didto nag inom usab ang suspect.
Atol sa nahitabong komosyon gisulayan pa pag ilog sa biktima ang bitbit nga kutsilyo sa suspect apan pakyas kini ug didto nadunggaban ang biktima sa iyang tiyan nga bahin.
Human sa maong panghitabo daling misibat ang suspect sa wala matinong direksyon samtang ang biktima daling gidala sa Socorro district Hospital.
Sa pagkakaron luwas na sa makuyaw nga kahimtang ang biktima samtang ang suspect ang padayon pang gipangita sa mga otoridad,
Natigayon ang maong insidente bandang alas 9:45 sa gabii didto sa brgy. Sudlon, Socorro, Surigao del Norte…..
photo: grabbed on FB [image: socorro.jpg]
