General Santos City—- Dead on the spot ang usa ka pulis human kining gipusil sa wala pa mailhing suspek alas 8 ang takna sa buntag sa National Highway sa purok Rose, Brgy. San antonio, tacurong city.
Giila ni Police Superintendent Joefel Siason, hepe sa Tacurong Police Station ang biktima nga si PO2 Rolly Kamid, 51 anyos nga residente sa Prk. Pagkakaisa, Greño, Tacurong City ug naka-assign Sa Lambayong Municipal Police Station.
Sa karon matud pa, padayon nilang ginasuta kung unsa ang posibleng motibo sa maong pagpamusil.
Dugang pamahayag ni Supt. Siason nga ilaha pang ginasuta kung adunay naka-away ang biktima ayha kini gipusil o kung may kalabutan sa trabaho ang pagpatay sa nasangpit. Sa karon matud pa, wala pay impormasyon nga ginahatag ang kabanay sa biktima.
Ubay-ubay man usab nga igo pinisulan ang naangkon niini nga nahimong hinungdan sa iyahang kamatayon kung asa narekober sa crime scene ang mga basyo sa kalibre 45 nga armas.
Kalabot niini, gibutyag ni Supt. Siason nga nagapangita pa sila ug posibleng testigo nga makatabang sa imbestigasyon aron sa daling pagsulbad sa krimen.
Gumikan base sa pamahayag sa mga tao sa lugar, nakadungog lang matud pa sila ug buto sa pusil apan wala nila nakit-an ang naghimo sa krimen.
Base matud pa sa mga igo pinusilan ni PO2 Kamd, makit-an nga duol ang suspek kung asa posible matud pa nga kini gisundan o dili ba kaha gi-atngan.
