Purok kagawad nga may kasong 4 counts of rape-sikop

12
Handcuffs

General Santos City–Malampusong nasikop sa naghiusang pwersa sa Police Station 4; City Intelligence Branch; RID-12; ug Police Regional Office-12 ang usa ka Richard Capillo Gabata, 55 anyos, mag-uuma, Purok Kagawad sa Prk. Masunurin, Barangay San Isidro, GenSan, atol sa gihimong operasyon alas 9:30 ang takna sa buntag didto mismo sa panimalay niini.

Sumala pa ni Police Major Alex Lanestosa ang labaw sa Police Station 4 nga ang nasangpit nga suspect ang nag-atubang ug kasong 4 counts of rape nga gipakanaug ni Hon. Judge Oscar Noel Jr. sa Rtc Branch 55 niadtong Sept. 25, 2007 kung asa wala kini’y girekomenda nga bail bond.


Dugang pa ni Lanestosa nga dugay na nilang gina pangita ang suspect ug sa dihang naka dawat uig impormasyon nga anaa lang kini nagtaguan sa maong lugar gilayon kining gisikop.

Sa kasamtangan nagpa-abot nalang ang kapulisan nga magpakanaug ug commitment order ang korte aron nga mabalhin kini sa Lanton Reformatory Center.

Samtang gikabutyag sa suspect nga si Gabata nga dugay na kaayo ang maong kaso ug naghusay na sila sa biktima kalabutan sa maong kaso.

Gani iyahang gikabutyag nga iyahang nahimong live-in ang maong reklamante ug naka anak pa sila ug 4 ka buok human nga nag-uban sila ug pipila ka tuig.

Nag sugod matud pa ang maong kaso sa dihang nabuntisan niini ang iyahang hinigugma kaniadto ug gipasakaan siya ug kaso apan na-areglo na matud pa sila kaniadto sa Camp Fermin Lira ug wala kini magdahom nga nadayon gyud ang pagfile ug kaso kaniya.

Sa karon ginapaabot nalang sa kampo sa suspect nga mapadala sa Gensan ang gihimong affidavit ug desistance gikan sa iyahang kanhing Live-in nga duna na usay bag-ong pamilya sa kauluhan aron nga ilahang mapasa sa korte ug maabswelto kini sa iyahang kaso.(Dave Silagan)

Facebook Comments

From Advertisers