Manghihilot gipusil patay

30

General Santos City – Padayon pa ang gihimong imbistigasyon sa Police Station 5 kalabutan sa pagpamusil patay sa Biktimang si Roland Dela Cerna, 67 anyos, usa ka manghihilot ug usa usab ka Tricycle Driver nga taga Purok Relatives, Barangay Tambler, Gensan kansa gipusil sa riding in tandem pasado alas 7:00 ang takna sa gabie sulod sa iyang tricycle gawas lang sa ilang panimalay.

Nasayran nga gibutyag sa asawa niini nga samtang siya anaa sulod sa ilang panimalay nakadungog nalang kini ug mga buto sa pusil, didto na misyagit ang usa niini ka anak nga matud pa gipusil ang iyang papa.


Atol sa pag gawas sa maong ginang nakit-an nalang niini nga naligo na sa iyang kaugalingong dugo ang iyang bana.

Subay sa usa ka anak sa biktima, duha ka lalake nga sakay sa usa ka motorsiklo nga walay plaka ang kalit mihunong atubangan sa tricycle dayun pusil sa makausa ka higayon sa iyang kilid nga bahin ang biktima ug sa dihang natumba na kini sulod sa tricycle minaug pa ang backrider ug gipusil pa siya sa iyang ulo nga bahin.

Gilayong misibat ang mga suspek sa wala sayring lugar, samtang ang biktima wala na nadala pa sa ospital human nakabsan gilayon sa iyang kinabuhi.

Sa karon blangko pa ang pamilya sa biktima sa motibo sa krimen, samtang ang kapulisan naghimo na usab ug makuting imbistigasyon kalabutan sa insidenti.

Facebook Comments

From Advertisers