Davao City – Arestado sa mga personahe sa Sta. Ana PNP ang usa ka lalaki nga naga payuhot ug iligal nga droga atol sa ilang drug buy bust operation kagabii.
Dinakpan naila nga si Gorgonio Pelino Orbigo alyas Guining nga nagpuyo sa may Purok 22-B sa dalang Molave Barangay 76-A ning syudad.
Nasayran nga adunay niabot nga report gikan sa usa ka reliable source informant nga ang maong suspek nangita og buyer og iligal nga droga diha sa may dalang Roxas.
Sa mao nga impormasyon giporma gilayon ang Drug Enforce Unit team sa nahisgotang buhatan sa panguna ni PCI Noland Raquid ang station commander sa maong police station.
Sa unang pagresponde sa mga otoridad nakig sabot ang suspek ug ang poseur buyer nga sa laing lugar kini makigtransact ug didto na sa panimalay sa suspek.
Atol sa transaksyon bandang alas 7:30 sa kagabhion ug natunol na ang buy bust money, didto na gisulod ang suspek ug nakuha gikan kaniya ang ang tulo ka square shape transparent plastic sachet nga gituohang shabu, digital nga timbanagan, .45 nga pistola, usa ka magazine ug 8 ka mga bala.
Balhog na sa prisohan ang dinakpan ug giandam na ang mga kaso nga ipsaka ngdto sa suspek.
RadyoMaN Paul Canono
