Davao City – Nadakpan sa sunod sunod nga buy-bust operation sa Talomo PNP ang duha ka mga suspetsadong drug pusher sa duha ka managlahing lugar.
Sa blotter sa Talomo PNP, unang gikasa ang buy-bust operation sa usa ka inn sa Matina Aplaya Davao City ala 1:30 sa hapon, diin miresulta sa pagka aresto ni Rammel Labregas ug Mae Ann Labrigas.
Nakompiskar sa mga otoridad ang kapin kun kulang 0.06 gramos nga shabu diin mikantidad kini og 3,000 ka pesos.
Ikaduhang operasyon gilusad alas 3:00 sa hapon sa may Bajada Davao City, hinungdan sa pagkasikop ni Vincent Calonia.
Nakompiskahan ang suspek og duha ka mga sachet sa shabu nga mikantidad og 10,000 ka pesos.
Ang duha ka mga dinakpan pasakaan og kasong kalapasan R.A. 9165 kun Comprehensive Dangerous Drugs Act of 2002.
RadyoMaN Erin Lumosbog
