ILOILO CITY – Gina-klaro naman sang head coach sang Negros Occidental secondary football team nga wala siya nag-una sumbag sa referee nga nag-resulta naman isa ka ‘rumble.’
Nahibalu-an nga gin-untat ang game sang Negros kag Iloilo sa Iloilo Sports Complex kaina sang hapon bangud man sa nagluntad nga komosyon.
Nag-sugod ang insidente sang gin-eject sang referee nga si Steve Supresencia si Coach Ian Combate sang STI-WNU nga amo ang naga-represent sang team Negros.
Nag-react kag nag-reklamo si Combate kag ang iya mga players matapos nga wala gin-call sang referee ang handball sang Iloilo sabaylo, nag-senyas ini nga ‘play-on’.
Sa interview sang RMN-Iloilo, ginsiling ni coach Ian nga ginpa-gwa na siya sa playing field ni Supresencia sa diin iya lang man ginhambalan ini nga tadlungon ang mga tawag kag dapat mangin fair ang iya mga call sa duwa ka teams.
Paathag ni Combate nga una siya nga gin-headbutt ni Supresensia sa diin nakita naman sang iya mga players ang gin-himo sang referee kag nagbalos ang pila ka players sang Negros sa diin nag-resulta sa rumble kag wala na-kontrol ang sitwasyon.
Gilayon naman ang nag-responde ang mga pulis nga yara sa lugar kag gin-secure ang referee kag mga officiating officials.
Dugang pa ni Coach Ian nga iya gina-respeto si Supresencia bilang isa ka FIFA ‘A’ referee apang iya lang gina-ayo nga tadlungong naman ang iya mga tawag bangud nga unfair naman ini sa mga players.
Sa interview man sang RMN-Iloilo sa referee, ginpahayag man sini nga indi naman sya mag-reklamo kag nagpasensyahanay naman sila ni coach Ian.
Nagpangayo naman sang pasaylo ang head coach sang Negros sa mga Ilonggo bangud nga nadala lang ini sang iya emosyon./Yves Montecillo/DYHB Sports/ In photo is Coach Ian Combate
