Davao City – Sugod alas 12:01 am sa Huwebes Marso 19, 2020, sirad-an na ang tanang entry points sa Region XI nga gilangkuban sa Davao de Oro, Davao del Norte, Davao del Sur, Davao Oriental ug Davao Occidental.
Kini nga regionwide unified effort nga giimplementar sa Davao Region COVID-19 Task Force aron mapugngan ang pagkaylap sa COVID-19 infection.
Ilawom sa maong mando, tanang transportasyon sa land kun yuta, sea (dagat) ug air (kahanginan) suspendido sulod sa 14 ka adlaw apan mamahimo kining sulod sa pito ka adlaw depende sa abiso sa infectious disease specialist consultant.
Dugang pa nga makagawas sa rehiyon apan dili kana mamahimong makasulod og balik sugod 12:01am sa Huwebes ug sa musunod pa nga 14 ka adlaw.
Gimuntar sa Regional Peace and Order Council ug Regional Development Council ang Davao Region COVID-19 Task Force diin si Mayor Sara Duterte ang gi-designate nga chairperson.
RadyoMaN Aimee Guinita
