![82785727_2667331839981956_1043440176891691008_n.png](https://i0.wp.com/rmn.ph/wp-content/uploads/2020/01/82785727_2667331839981956_1043440176891691008_n.png?resize=696%2C392&ssl=1)
Pag-abot pa eamang it unang adlaw it Pebrero hay paga umpisahan eon it Department of Education (DepEd) rong mas ginpa temprano pa nga early registration para sa school year 2020-2021.
Raya suno sa DepED hay para masiguro nga tanan it mga unga nga magasueod sa Kindergarten, Grades 1, 7, ag 11 sa Public ag Private elementary ag Secondary Schools hay makapalista eon sa mga pagabuksang registration desks nationwide umpisa February 1 hasta March 6.
Pinaagi sa ginpaguwa nga DepEd Order No. 3, s. 2018 o rong “Basic Education Enrolment Policy,” ginpahayag ni Deped Secretary Leonor Briones nga rong tempranong registration para madali matumod, matandaan ag makapagrehistro ro mga out of school children ag mga kabataan sa komunidad nga naga istar kaibahan ro mga nag evacuate bangud sa kalamidad.
Ro tempranong registration policy it DepEd hay mabahoe nga bulig sa mga gusto o gustong bumalik sa pagtuon ag nagpundo it mahabang tyempo dahil sa maabong rason kaeakip eon rong kakueangan sa kwarta o kapobrehan.