Wala na nakaabot pa sa Surigao del Norte Provincial Hospital ang biktimang usa ka sakristan human kini gitoohang nalumos sa dagat samtang naligo kini kauban ang iyang mga amigo. Ang biktima naila sa pangalang si Rolando Eliot y Parian 20 anyos ulitawo usa ka sakristan ug nagpuyo sa Purok Sampaguita Barangay Central lungsod sa Placer Surigao del Norte. Basi sa initial nga imbistigasyon sa kapulisan sa maong lugar naligo ang biktima uban sa iyang mga kaubanan niadtong adlawng dominggo didto sa Cagbantoy beach sakop sa brgy Amoslog. Tungod sa kadaghan sa mga tawong naligo wala nila namatikdi nga nawala na diay ang maong biktima sa ilang grupo. Pipila ka minuto ang milabay ilang nakita ang biktima nga milutaw na sa dagat hinungdan dali kini nilang gitabang ug gihaw as sa dagat ug gihimo gilayon ang cpr apan wala na kini panimoot hinungdan ila kining daling gidala sa Surigao del norte Provincial Hospital apan gideklara kining dead on arrival sa attending physician
Sent from my Samsung Galaxy smartphone.
