Nagpaggwa sang manifestation si South Cotabato Board Member Ester Marin Catorce sa ginpatigayon nila nga regular session kahapon nga adlaw angot sa kaso nga ginsang-at sang Sagittarius Mines Incorporated ukon SMI kag mga tribal groups sa Tampakan batok sa open pit mining ban sang probinsya.
Suno kay Catorce nga kinahanglan maupdate ang SP sa status sang kaso kag kon ano ang ginsabat sang provincial government matapos may labot suno pa sila dire tungod ang Sangguniang Panlalawigan ang nag-aproba sang Environment Code kag ginre-affirm pa nila sang tuig 2013 ang pagban sang open pit mining method sa probinsya.
Ginkaalarma niya man suno pa ang impormasyon nga magapadayon ang operation sang Sagitarrius Mines and Incorporated bisan ginaban ang open pit mining method sa probinsya.
May-angot sini, ginhingyo ni Board Member Catorce kay Acting Vice Governor Glezel Mariano Trabado nga makig-angot sa provincial legal office agud mahan-ay sa ila ang may angot sa nasambit nga kaso.
Ginsuportahan naman sang mga kaupdanan sini sa Sangguniang Panlalawigan ang sentimiento ni Board Member Catorce kag ang hingyo nga pagpatigayon sang executive session agud nga i-update sila sa ginfile nga kaso.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
