Sara nisakmit sa 91% performance ratings

46

Davao City – Gitunolan karon ug grado nga 91% sa mga Davaoeños ang performance si Davao City Mayor Sara Duterte-Carpio, kini base sa labing ulahing survey nga gilusad sa University of Mindanao (UM) Institute of Popular Opinion kun IPO.

Segun kang UM-IPO executive director Dr. Adrian Tamayo, ‘very good’ ang nakuhang rate satisfaction sa alkalde ning syudad sa Davao.

Matud ni Tamayo, ilang gipahigayon ang survey niadtong Oktobre 11 ngadto sa 21 sa 1,200 ka mga respondiyentes.

Gipangutana ang mga partisipante kung unsa ang ilang assessment sa kasamtangang administrasyon base kini sa mga proyekto ug mga serbisyo nga unang gilatid ni Mayor Inday sa iyang State of the City Address (SoCA) niadtong Setyembre 12 ning tuiga

Nigula usab sa survey nga gamay na lamang ang kulang nga puntos aron makab-ot sa alkalde ang ‘excellent satisfaction’ gikan sa mga gipangutana.

Kahinumduman nga nakuha ni Pres Rodrigo Duterte, kinsa kanhi mayor usab sa dakbayan, ang 100% ratings gikan sa mga Davaoeños sa gihimong IPO survey kaniadto.

RadyoMan Aimee Guinita

Facebook Comments