General Santos City—Gipaklaro ni Sarangani Provincial Health Officer Dr. Arvin Alejandro nga ilaha ng gilauman ang pagtaas sa kaso sa covid-19 sa rehiyon, basi sa gipagula nga mga datus sa DOH, kini tungod daghan na ang mamahimo nga testing hilabina karon, nga may nadugang nga mga covid testing center sa rehiyon.
Dugang pa ni Dr. Alejandro nga kaniadto gamay lang ang datus nga mogawas tungod ipadala pa didto sa Davao ug sa uban pang lugar hinungdan nga mas dugay moabot ang resulta ug gamay lang ang makumpirma nga kaso sa covid-19 test tungod sa limitasyon sa RT-PCR.
Gipasabot usab sa opisyal nganong ma charge nga suspect sa Covid-19 ang usa ka tawo ilabi na kung dunay hilanat, ubo, panakit sa tutunlan ug uban pa aron nga malikayan ang pagkuyanap sa maong virus tungod kay kung dili kini himoon basi nagpositibo na diay ang usa ka tawo sa covid mas mosamot pa hinoon ang problema kung kini makatakod.(RV)
