Nakahatag og ka-alarma sa mga residente sa may Barangay Tukal, Sarangani Davao Occidental ( Balut Island) nga basin og mahurot ang ilahang mga binuhing hayop sama sa kanding, manok ug uban pa.
Kini human ang mga insidente sa pag-atake sa mga dagkong sawa sa ilang mga kahayupan.
Miaging adlaw, nakurat na lamang sila nga adunay mga namatayng mga kahayupan sa ilang lugar ug pagsuta adunay dakong sawa ang miatake sa binuhing kanding sa usa ka residente.
Dili lamang matud pa kini ang unang kahigayunan nga adunay mga insidente sa paggawas sa maong mananap ug mamatay sa ilang mga hayop.
Photos by: Perne Grace Septimo- Aruban Dawa
Facebook Comments
