Davao City – Padayong nagpasidaan ang Davao City Police Office – Women and Children’s Protection Desk (DCPO-WCPD) ngadto sa mga estudyante nga dili magpataka ug kuyog bisan pa ug kaila.
Sumala ni Police Senior Inspector Riza Ramirez, DCPO-WCPD Head, apil sa ilang adbokasiya ang pagtudlo sa mga bata nga magbantay ilabi na sa mga dili kaila o kadudahang mga tawo nga dili basta-basta mo kuyog.
Gipasabot usab ni Ramirez nga kung mokuyog man sa ilang mga kaila, kinahanglan nga nasayud usab ang ilang mga miyembro sa pamilya.
Gitataw usab ni Ramirez nga sa mga pampublikong tulonghaan, dili gyud mabantayan tanan tungod sa kadaghan sa mga estudyante bisan pa sa mga gibutang nga mga Police Auxiliary gawas sa mga private schools tungod kay duna silay mga kaugalingong security guards.
RadyoMaN Bernard Pantallon
