SECURITY GUARD SA ILIGAN CITY, IKADUHANG LOCAL TRANSMISSION CASE SA MANTICAO

19

Gideklara usab nga ikaduhang local transmission case sa COVID-19 sa lungsod sa Manticao, Misamis Oriental ang usa ka security guard sa Iligan City.  
Matud pa ni Dr. Jocelyn Bahian, Municipal Health Officer sa Manticao, ang 22 anyos nga lalaking pasyente maoy ikanapulo nga kumpirmadong kaso sa lungsod, nagtrabaho isip security guard sa usa ka planta.  
Gi-swab kini alang sa RT-PCR test isip polisiya sa kumpanya nga iyang gitrabahoan.  
Temporaryo nga nagpuyo sa usa ka apartment ang maong pasyente sa Barangay Tomas Cabili sa Iligan apan mag-uli-an kini sa Manticao, duha ka higayon matag bulan.  
Katapusan kining naka-uli sa Manticao niadtong Septembre 12.  
Ang resulta sa swab test migawas niadtong Septembre 15.


Anaa kini karon naka-quarantine sa pasilidad sa lungsod.  
Ang unang local transmission case sa Manticao usa ka aplikante og trabaho sa usa ka planta sa Iligan City nga mao lang ang iyang gideklarang travel history.

Facebook Comments