Nagpatigayon sang isa ka consultative meeting si Bacolod City Mayor Evelio Bing Leonardia sa mga opisyal kag representante sang onse (11) ka mga homeowners association sa nagkalain-lain nga mga subdivisions sa Brgy. Villamonte, Bacolod City.
Sa amo nga meeting nga ginhiwat sa Government Center, ginpamatian sang alkalde ang concern sang mga homeowners angut sa peace and order situation sa ila tagsa ka lugar kag kon paano mapabakud ang seguridad.
Ini matapos ang pinaka-ulihi nga kaso kon diin ginsulod ang isa ka balay sa Villa Angela Subdivision kag napatay pa ang tag-iya sini nga isa ka Belgian National.
Suno kay Mayor Bing nga matapos sang meeting, iga-finalize sang ciudad ang tanan nga mga gin-suggest nga solusyon kag magapatawag sang dugang nga consultative meetings sa iban pa gid nga mga homeowners para mahibaluan kon bala ini nga mga solusyon ang pwede man sa tanan nga subdivisions sa Bacolod.
Angut sini, naga-apelar si Mayor Bing sa mga homeowners nga magpakigbahin kag magkooperar para matapna ang krimen sa ila tagsa ka lugar.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
