South Cotabato–Nahimong generally peaceful ang pagsaulog sa T’nalak Festival sa South Cotabato.Kini ang nahimong assessment ni Police Col. Joel Limson ang Provincial Director sa South Cotabato Police Provincial Office human nahinabi sa RMN-Gensan.
Sumala pa sa opisyal nga walay dagkong mga insidenteng nahitabo atol sa maong selebrasyon sanglit duna ray gagmay nga mga insidente sama sa kawat kung asa nahitabo sa usa ka mall sa Koronadal.
Saysay usab ni Limson nga gumikan sa hugot nilang pagbantay sa mga lugar sa South Cotabato ilabi na ang pagbutang ug mga checkpoint sa kadalanan hinungdan nga walay mga dautang elemento nga nakasulod atol sa selebrasyon sa T’nalak Festival.
Pagpaklaro man usab sa opisyal nga mga normal lamang nga problema ang na-encounter sa kapulisan kadtong mga tawo nga anaa sa impluwesiya sa ilimnong makahubog kung asa dunay nahitabo nga away –away apan sa pag pagpatuman sa pagbantay sa seguridad sa katawhan wala may nahimong problema. (Reynald Timario)
