South Cotabato—Gikumperma ni Police Major Romy Castanares ang hepe sa Surallah PNP nga napasakaan na ug kasong attempted murder ang suspetsadong si Condrado Mateo Jr,41 anyos, laborer ug nanimuyo sa Purok Employees Village,Brgy.Lamian Surallah, South Cotabato kansa maoy mipusil sa biktimang si Raymond Marzo, 32 anyos, ulitawo ug nanimuyo sa purok Paraiso,Brgy.Lamian, Surallah apan swerteng wala maigo.
sumala pa ni Castanares nga pauli na ang biktima gikan sa Brgy.Lambingi Banga apan sa paghidangat niini sa tindahan kung asa nagpuyo ang suspek naglalis matud pa ang duha ug wala nagkasinabot nga misangko sa pagpamusil sa suspek ngadto sa biktima gamit ang kalibre .38 nga pistol.
Dugang saysay sa opisyal nga maghigala ra ang suspek ug ang biktima ug naandan na nga kanunay matud pa nga didto muagi ang biktima kung muoli kini sa ilang panimalay apan niadtong higayona anaa sa impluwensiya sa ilimnong makahubog ang suspek ug nawala sa panimuot hinungdan nga iyang napusilan ang iyang amigo.
Pagpaklaro ni Castanares nga desidido nga mopasaka ug kaso ang biktima sa suspek bisan pa man nga wala kini maigo aron usab mahatagan ug leksyon sa iyang gihimo.
Samtang nagpabiling balhog sa selda sa surallah police station ang suspetsado.(Reynald Timario)
