Sa interview sa Davao Media atol sa Philippine National Police (PNP) event sa Police Regional Office (PRO) 11, gisulti ni Dela Rosa nga kung adunay igong rason nga ikaw tanggalan og armas sa gobyerno, kinahanglan kang mutuman sa balaod.
“The owner of firearms is only a matter of privilege. It is not a constitutional right to bear firearms. It is only a privilege granted by the state through this government. So, anytime if the government sees fit to revoke that privilege, then pwede nilang i-revoke ‘yan,” sulti ni Dela Rosa.
Kagahapong adlawa, Abril 26, 2024 sa dihang gikumpirma sa PNP nga ilaha nang gikansela ang license to own and possess firearms o LTOPF ni Kingdom of Jesus Christ (KOJC) leader Pastor Apollo Quiboloy.
Matud ni PNP spokesperson Col. Jean Fajardo, ang maong desisyon nagsubay sa balaod, tungod sa giatubang nga mga kaso sa pastor.
Samtang, gidugang ni Senador Dela Rosa nga bisan og suod niyang higala ang pastor, giawhag niya kining mo-surrender nalang ug atubangon ang iyahang mga kaso aron mahuman na ang mga alegasyon ug isyu batok kaniya.
RadyoMaN Kirby Manzon
