Kalibo, Aklan — Ginahinyo makaron ni Kabayan Representative Ciriaco Calalang nga maghimo rong PNP it Seniors o Elderly Desk sa kada police stations sa nasyon.
Ro rekomendasyon it kongresista hay para sa mga senior citizens nga maskin may saeabton sa laye hay dapat pa gihapon raya nga i-tratar it maayos ko mga otoridad.
Ginpahayag ni Calalang nga taw-an it sariling help desk o kundi hay iiba sa Women’s and Children’s desk ro mga senior citizens nga gina aresto ag basta iiba sa ibang mga preso.
Dugang pa it kongresista nga maskin ngkasae ro sangka senior citizen hay may special needs raya nga dapat taw-an it igtaeopangud ag protektahan it gobyerno.
Sa idaeom kung Article 13 it Revised Penal Code, makabig nga ‘mitigating circumstance’ rong mga nagkasaea sa laye nga naga edad 70-anyos.
Nagakahueogan nga rong mga senior citizens nga nagbayolas sa laye hay pweding nabaan rong pinalidad nga ipapanaog kara.
