SUPORTADO ni Committee on Public Order and Dangerous Drugs Chairman Senator Panfilo Ping Lacson ang kamanduan ni Pangulong Rodrigo Duterte nga i-audit ang mga opisyal sa Local Government Units (LGUs) sa nasud.
Kahinumduman nga una nang gimando ni Pangulong Duterte ang pag-Audit sa tanang mayores ug gobernador sa matag syudad ug probinsya sa nasud aron masayran kung sila si kinsa nga mga opisyal ang minos ug aksyon sa hisgutanang pagsumpo sa iligal nga droga ug kriminalidad sa ilang hurisdiksyon.
Sumala ni Sen. Lacson, nga dili kaya ni Pangulong Duterte nga sulbaron ang mga nahitabong krimen sa nasud.
Ilawom sa giamyendahan nga local government code, dunay gahum ang mga lokal nga opisyal nga mag-deploy ug mga pulis ug magrekomenda ug police chief sa ilang komunidad.
Tungod niini gihingusgan ni Sen. Lacson nga dapat manubag ang mga local executives nga pakyas nga matuman ang ilang tahas nga imintina ang kahapsay ug kalinaw sa lugar nga gipamunuan niini.
