Siklista nabangaan-patay

13

General Santos City—Patay ang usa ka siklista nga nailang si Junior Rizaldo Candelario Barril, 45 anyos nga taga Purok Magnolia, barangay Calumpang, Gensan human kining gibanggaan sa motorsiklong gimanihuan ni Kevin Ronnie Basan, 35 anyos, nga taga Purok Quilantang, Barangay Calumpang alas 10:00 ang takna sa gabie niadtong Enero 22, 2020 sa area sa Purok Carmen Ville, Obasa Avenue, Barangay Calumpang, Gensan.

Sa inisyal nga imbistigasyon nga gipahigayon sa mga personahe sa Traffic management Unit (TMU)-Gensan, samang naglatas ang duruha sa may Obasa Avenue padulong sa Purok Fernandez apan pag-abot atubangan sa Hilario Land, nabanggaan sa suspek ang siklista nga hinungdan sa pagaklagpot niini.


Gumikan sa kusog nga impact, nakaangkon ang biktima ug grabeng samad sa iyang ulo. Dali kining gidala sa Dr. Royeca Hospital apan gideklara kining dead on arrival. Samdan usab ang driver sa motorsiklo human sa insidente.

Basi usab sa pagsuta sa kapulisan, nanimaho ug ilimnong makahubog ang suspek, timailhan nga nakainum ang nasampit.

Sa pagsuwat ning balita wala pay klaro kung mahagbong ba ug areglo ang kaso o mopasang-at ug asunto ang pamilya sa biktima.

Facebook Comments
From Advertisers