Skylab driver patay sa panibag-o na naman nga insidente sang pagpangluthang

Patay ang driver sang single motor matapos tiruhon pasado alas nuebe subong nga aga sa bahin sang arellano-antipolo street, Boundary sang Barangay GPS kag Barangay Zone 2, Koronadal City
Sa interview sang Rmn Koronadal kay Pating Muega, tiyo sang biktima, ginkilala ang napatay kay Randy Salanga Muega, masubra 30 ang edad, may asawa, residente sang Purok Kamya, Barangay New Pangasinan (Bo.4), Syudad sang Koronadal.
Sa pihak nga bahin, ginpahayag sang testigo, samtang ginabaybay sang biktima ang Arellano St, sakay sa iya Kawasaki Bajaj nga single motor, nagaduag sang itom, may plaka XZ 2317, ginsundan ini sang suspek nga nakasakay sa Honda RS 125 nga single motor.
Pag-abot sa kanto sang Arellano- Antipolo St, nagmenor suno pa ang biktima, apang hinali na lang ini nga gintiro sang suspek sa ulo.
Samtang ginasulat ang ini nga report, yara pa sa area ang kapulisan para sa ginahimo nga imbestigasyon
Kaangot sini, patay man ang tricycle driver sa riding in tandem criminal kahapon sa Solis Subdivision, Purok Pag-Ibig, Barangay Zone, Koronadal City