Davao City – Preparado na ang Southern Mindanao Bus Operators Association (SMBOA) alang sa pagpabalik sa biyahe sa mga pampasaherong bus karong Mayo 25, 2020.
Sumala ni SMBOA President Jerry Sy, ila na lamang gipaabot ang guidelines nga ipagawas sa Land Transportation Franchising and Regulatiory Board (LTFRB-XI) aron maoy mahimong sumbanan sa mga bus operators aron masiguro nga matuman ang mga travel protocols ubos sa General Community Quarantine (GCQ).
Matud ni Sy nga sa inisyal nga nasabutan atol sa panagtagbo sa LTFRB-XI, Davao City Overland Transport Terminal (DCOTT) ug SMBOA, ang biyahe sa mga bus mahimong point to point matag ruta ug limitahan lamang ang matag kumpanya sa bus sa usa ka biyahe matag adlaw.
Dugang pa ni Sy, bisan ug mogamay ang gidaghanon sa ilang pasaherong mosakay tungod sa social distancing, dili mopa-umento sa ilang pletehan ang SMBOA tungod kay bag-o lang sila nangayo’g umento sa LTFRB.
RadyoMaN Erin Lumosbog
