Roxas City, Capiz – Wala na sang kabuhi sang masapwan sang mga pomuloyo sa Brgy. Tanza, Roxas City ang isa ka persona nga gina-alegar nagpanginmatay.
Ginkilala ang biktima sa kay Jerry Pagurayan alyas “Jing-jing”, 26-anyos, soltero kag tumandok sang Barangay Tambunak, San Enrique, Iloilo kag nagatrabaho sa isa ka establisemento komersyal sa syudad sang Roxas apang temporaryo nga nagapuyo sa Brgy. Tanza.
Nasapwan nga nagakabit na sa puno sang mangga ang lawas sang biktima, alas 6:00 kaina sang aga. Suno sa pakaisa sini, nagpabutyag si Jing-jing nga indi na ini makaabot sa edad nga 30-anyos base sa man sa ginpahayag sang sang isa ka babaye nga naghimalad sa iya.
Nahibaluan nga nag-inom pa ang biktima kagab-i upod sa iya mga abyan kag pakaisa. pagkatapos sang inom nagpahuway na ang mga ini, apang lipod sa ihibalo sang mga kaupod sa bala, naguwa ang biktima. Aga na sang nasapwan nga nagabitay na sa puno sang magga ang biktima. Nagapadayon pa ang imbestigasyon sang mga kapulisan agud hibaluon kon may foul play sa kamatayon sang biktima.
