SP AKLAN NAGAAPILA NGA INDI IPASIRADO RO BORACAY, RESOLUSYON GING PASAR

Kalibo , Aklan – Ging paboran kung mayoriya it miyembro’t Sangguniang
Panlalawigan it Aklan ro ginaproponer nga resolusyon ni SP member Esel
Flores, nga nagahinyo sa Department of Interior and Local Government
DILG, Department of Environment and Natural Resources DENR,
Department of Tourism DOT ag sa Office of the President nga indi
ipasirado ro isla it Boracay.
Rayang tikang it SP Aklan hay pagbakasakali sa maging rekomendasyon it
DENR, DOT, ag DILG nga ipasirado ro Boracay.
Suno kay SP Flores, kon ro maging rekomendasyon gid man it nasambit
nga mga ahensiya it gobyerno kay President Rodrigo Duterte hay isirado
ro Boracay, andang ginaapila nga ipasirado eamang ro mga
establisemento nga may violation sa environmental laws ag local
ordinances ag indi pagdaeahigon ro owa nageapas sa ano mang laye.
Ging kasugtanan it SP Aklan nga ibutang sa resolusyon nga sambilog sa
mayor nga maapektuhan kon ipasirado ro Boracay bisan 2 buean hay
social services it probinsiya kapin pa ro health services bangud eaban sa
ginakita it Caticlan ag Cagban Jetty Port halin sa environmental ag
terminal fees nga ginabayad it mga turista dikara nagaagto.