General Santos City— Patay ang usa ka miyembro sa rebeldeng New People’s Army (NPA) human matigayon ang engkwentro sa Sitio Lamtubo, Culaman, Jose Abad Santos, Davao Occidental alas 6 pasado ang takna kaganihang buntag.
Sumala kang Lt. Daryll Cansancio, labaw sa Alpha Company sa 73rd Infantry Battalion nga igo lang silang mirespondi sa taho sa mga sibilyan sa lugar nga adunay presensya sa armadong kalalakin-an sa lugar.
Miresulta matud pa kini sa 30 minutos nga engkwentro tali sa dili muubos 20 ka miyembro sa rebeldeng grupo. Dugang pamahayag ni Lt. Cansancio nga ang namatay ang nailang si Marmar Cawan, nga taga Brgy. Kihan, Malapatan Sarangani Province.
Kung asa kini ang gikonsiderang Squad Leader nga responsible sa pagpang-recruit sa walhong grupo.
Nakuha gikan sa iyahang posisyon ang usa ka baby armalite. Sa karon ilaha pang ginasuta kung aduna pay mga samdan sa pikas grupo gumikan sa mga likidong ilahang nakit-an atol sa pagpahigayon ug clearing operation.
