Batan, Aklan – Natigayon eon nga ma file rong kasong rape sa sangka stepfather nga nagkonsumo sa anang manak sa sangka barangay sa banwa it Batan.
Rong suspek hay si alyas “Toto”, 33-anyos ag rong biktima hay si alyas “Nene”, 11-anyos.
Suno kay SPO1 Meral, WCPD kung Batan PNP nga gin file nanda rong kaso ko Pebrero 12, 2019 sa Prosecutors Office.
Bali natabo rong insidente ko Enero 23, 2019 ag na report daya sa Batan MPS ko Enero 28, 2019.
Sa pag imbestiga it WCPD nasayuran nga ko Enero 23 rayang si alyas Nene hay may trangkaso ag naga eobog sa kwarto kaibahan ro anang mga half brother ag sister samtang ro anang stepfather hay una man.
Nagsueod raya sa kwarto nga gina eogban ko biktima ag ana raya nga ginhambaean nga ubahon ro short ag panty, ugaling bangud nga maeain ro pamatyag ko biktima hay uwa imaw ginsapaka.
Ana raya nga ginhuliran ag uman nga ginhambaean nga mag-uba ugaling uwa gihapon matuman rong unga ag bangud kara imaw mismo ro nag uba sa biktima ag pati man imaw ag natigayon rong krimen.
Maangan-angan, nag abot ro anang live-in partner nga babaye halin sa trabaho bilang timbang sangka baeay pero nag deristo raya sa kusina ag nag-inum it tubi.
Pagkabatyag it suspek dali-dali nga ginsuksokan it panty ag short ro biktima pero imaw hay haabutan it anang live-in nga nagasuksok man it short.
Bangud sa nakita ko anang live-in nagpangdueom ro anang panan-awan, gumuwa raya ag nakita nana rong pala sa guwa, ana rayang binuoe ag sumueod it uman sa baeay ag binunaean ro suspek nga inigo sa waeang bukton ag ginhambaean nga “kung ano man ro ginhimo mo sa unga kabay pang indi eon mauman”.
Pagkatapos kara, nagtinangis rong suspek ag pumanaw kung sa siin mga daywang adlaw pa raya bago naka balik.
Uman nga nagbalik sa trabaho rong nanay ag nagsugid sa anang amo limang adlaw ro nakataliwan ag dikara nagpangayo it police assistance ro anang amo.
Gin-imbestigahan dayon, ginpa medical rong unga ag nasayuran sa resulta nga consummated ro biktima.
Nasayuran man sa unga, nga Grade 5 pa eamang imaw hay gin umpisahan eon imaw nga abusuhon ko anang stepfather.
Sa makaron hay ginahueat eon lang man it Batan MPS nga mag abot rong warrant of arrest it suspek para imaw ra arestohon.
Gin manduan man rong suspek nga indi anay mag uli sa andang baeay ag indi pwede makapaeapit sa nasambit nga biktima.
