Davao City – Nagpila ang gatusan ka mga deboto aron nga makaduol ug makagunit sa rebolto sa Sto. Niño Shrine of the Holy Infant Jesus of Prague sa Matina Shrine ning syudad sa Davao.
Kaganinang buntag, gipangulohan ni Msgr. Edgar Rodriguez, Msgr. Nelson Lucas ug uban pa ang mga misa sa nasangpit nga simbahan diin karong adlawa, Enero 15, 2019 giselebrar ang 51st Anniversary sa Shrine of Holy Infant Jesus of Prague.
Gani karong ala 1:15 sa hapon, adunay gikatakdang pagahimuon nga misa, sunod unyang alas 3:30, 3:45 ug alas 5 sa hapon.
Samtang hugot usab nga gibantayan sa mga personahe sa Davao City Police Office kun DCPO ang lugar aron usab mabantayan ang seguridad sa mga dagsang nga mga deboto.
Hugot ang pahimangno sa kapulisan nga gidili nga dalhon sa kapistahan sa Sto. Niño sa Shrine Hills ang bino, sigarilyo, mga hinagiban ug uban pang gidili nga makahasi sa seguridad sa katawhan.
Samtang magpatuman usab og one way vehicular traffic ang City Transport and Traffic Management Office kun CTTMO gikan sa Pluto st. padulong sa cor. CP Garcia highway ug sugod unyang alas 3 sa hapon di na paagian ang Pluto St. padulong sa Shrine.
RadyoMaN Renz Barbarona
