Kalibo, Aklan –Nabiktima it budol-budol rong sangka utility personnel it public cr sa may Kalibo Pastrana Park kahapon.
Rong biktima nakilaea kay Jomary Goleña, 23-anyos it Andagao, Kalibo, Aklan.
Sa report nga samtang rayang biktima hay una sa CR nga bantay, nag-abot rong uwa makilaeang suspek nga sangka agi , nagpakilaeang negosyante ag dayon nakipag istorya sa rayang biktima nga makihueam anay it cellphone ag imaw ginpahueam.
Gin turo pa it biktima sa suspek kung paano mag bukas it anang cellphone Samsung A6.
Ko ulihi rayang suspek hay may gintao nga sangka envelop ag may withdrawal it BDO nga naga balor it 5 milyon ag nakapangaean kay Alex Lopez de Guzman.
Ginhambaean pa nana rong biktima nga maga attend anay imaw it meeting ag ibalik ro anang cellphone pagkatapos it meeting.
Ro nasambit nga suspek hay pumanaw rayon sa indi masayuran nga direksyon.
Sa makaron hay padayon pa rong imbestigasyon it Kalibo PNP angot sa nasambit nga insidente.
