Arestado ang subject sang buy bust operation nga ginpatigayon sang Regional Drug Enforcement Unit ukon RDEU sa Barangay Balabago, Jaro kagab-i (Abril 29).
Ginkilala ang subject nga si William Macapal, 59 anyos, pumuluyo sang Barangay Dos, Bacolod City.
Kauypod ni Macapal nga naaresto ang mga kaupdanan sini nga sanday Eduardo Salimbut, 52 anyos sang barangay 17, Bacolod City kag Ricky Cornelio, 50 anyos sang Barangay 29, Bacolod City.
Narecover sa ila ang pito ka bulto sang suspected shabu kag buy bust money nga 35 mil pesos.
Suno kay Macapal nga nagakuha siya sang iya supply sang shabu kay certain Lester sa Talisay City, Negros Occidental.
Gin-ako man ni Macapal nga magluwas sa pagduso sang illegal nga druga, nagagamit man siya sini.
Kaso nga paglapas sa RA 9165 ang paga-atubangon sang mga arestado.
